Një arritje e rëndësishme vjen nga diaspora mjekësore shqiptare. Mjeku me origjinë nga Prespa, Dr. Besmir Elmazi, ka përfunduar zyrtarisht specializimin e tij të tretë, duke marrë titullin Kardiolog në një nga institucionet më prestigjioze shëndetësore në Gjermani.
Dr. Elmazi tashmë është i kualifikuar në tre fusha kyçe të mjekësisë:
Kardiologji
Mjekësi Interne
Mjekësi Emergjente
Ai e ka cilësuar këtë arritje si “mision i përfunduar”, duke falënderuar kolegët, familjen dhe institucionin ku ka kryer specializimin. Fotot e publikuara nga Düsseldorf tregojnë momentin e marrjes së certifikatës së specializimit dhe ambientet moderne ku ai ushtron profesionin.
Ky sukses vlerësohet si një shembull i shkëlqyer i përkushtimit dhe profesionalizmit të mjekëve shqiptarë në Europë, të cilët po kontribuojnë në sistemet shëndetësore vendase dhe njëkohësisht mbeten frymëzim për të rinjtë e rajonit.