Deputeti i Partisë Demokratike, Oerd Bylykbashi deklaroi sot se projektbuxheti 2027 është në fakt një buxhet elektoral.
Gjatë diskutimit në Kuvend, pr.buxhetit 2027, Bylykbashi theksoi se modeli me të cilin do të shpërndahen të ardhurat e tregon këtë gjë.
Sipas tij, qeveria po i përdor fondet publike për interesa politike dhe jo në funksion të qytetarëve.
“Ulni taksat e fitimit, rrisni dividendin, rrisni taksat dhe talleni me idenë se po ulni taksën për ushqimet e shportës. Ndërkohë, oligopoli i rrit çmimet me WhatsApp”, u shpreh Bylykbashi.
Sipas tij, buxheti i vitit 2027 nuk pasqyron një model zhvillimi që vendos në qendër interesin publik, por vijon një mënyrë administrimi ku fondet publike përdoren për të ruajtur pushtetin dhe për të favorizuar interesa të caktuara.
“Historia është midis së mirës publike dhe pronës private të ‘perandorit’. Kjo është edhe historia midis buxhetit publik dhe buxhetit që ky kryeministër e konsideron pronën e vet. Por nuk janë paratë e tij, janë paratë e njerëzve”, u shpreh ai.
Burimi:botasot.info
