Joao Felix dëshiron largimin nga Atletico qysh në merkaton e janarit

Joao Felix nuk është i kënaqur tek Atletico Madrid.
Ylli portugez, Felix dëshiron të largohet nga skuadra e Atletico Madrid, bëjnë të ditur raportime të ‘A Bola’.
Raportet e Joao Felix me trajnerin Diego Simeone janë shkatërruar dhe nuk shihen gjasa për riparimin e tyre.
Thuhet se skuadra e Manchester United është e interesuar të sigurojë shërbimet e Felix.
Ata janë gati të ofrojnë 113 milionë funte, aq sa thuhet të kenë ofruar edhe gjatë verës.
Nëse lojtari do të jetë në dispozicion në merkaton e ardhshme, në garë për të mund të jenë edhe skuadra si Man City e Chelsea.