Shorti i grupeve, Zvicra do të përballet me Serbinë në Botëror

Zvicra dhe Serbia do të jenë sërish në një grup.
Në Doha të Katarit është hedhur shorti për fazën e grupeve për Kampionatin Botëror “Katar 2022”.
Botërori këtij viti është i veçantë pasi që do të zhvillohet në fund të vitit dhe jo gjatë verës si herëve të kaluara
“Katar 2022” do të fillojë më 21 nëntor dhe do të mbyllet me finalen e madhe më 18 dhjetor. Grupi G do të jetë interesant, pasi do të sjellë sërish përballjen e Serbisë me Zvicrën.
Kujtojmë se te Zvicra paraqiten dy futbollistët nga Kosova, Granit Xhaka e Xherdan Shaqiri, teksa gjasa të mëdha që të ftohet në këtë Botëror ka edhe Andi Zeqiri.
Pjesë e këtij grupi janë edhe Brazili e Kameruni.