Debat me akuza dhe kundërakuza është zhvilluar në Click Plus në TV21 mes Latif Arifit nga VLEN dhe Faton Alitit nga BDI, lidhur me përgjegjësinë për moszgjidhjen e problemeve të shqiptarëve në Maqedoninë e Veriut.
Arifi ka deklaruar se BDI-ja, e cila sipas tij ka qëndruar më së shumti në pushtet që nga pavarësia e vendit, nuk ka ndërmarrë asnjë hap për zgjidhjen e problemeve.
Ndërkaq, Aliti ia ka rikujtuar Arifit se edhe ai ka qenë pjesë e pushtetit, së bashku me Lëvizjen BESA dhe PDSH-në, duke e pyetur se pse nuk i kanë zgjidhur këto çështje gjatë kohës sa kanë qeverisur.
Aliti gjithashtu ka kritikuar propozimet aktuale, duke i cilësuar ato si “katastrofa ligjore”.
Burimi:TV21
