Shkup, 13 qershor – Deputeti i Aleancës për Shqiptarët (ASH), Elmi Aziri, duke komentuar një anketë për klasifikimin e partive politike që u publikua dje dhe më pas u dematua, tha se burimi i lajmeve manipulative ndodhet brenda Ministrisë për Sistem Politik.
“Opinioni është i njoftuar që në zyrat e Ministrisë për Sistem Politike, si duket, ka një ekip të madh që merret me PIAR agjenda dhe që janë në funksion të manipulimit të opinionit dhe plasimit në opinion të informacioneve të rreme. Fakti, që një anketë dje është dematuar nga udhëheqësi i atij institucioni, është dëshmi më e mirë që këto qeveritarë janë të prirur në shpenzimin e mjeteve buxhetore për krijimin e opinionit të rrejshëm për manipulimin e opinionit me rejtingje të rreme”, tha mes tjerash, deputeti i ASH-së, Elmi Aziri.
