Autori i dyshuar i të shtënave gjatë darkës së gazetarëve ka deklaruar pas arrestimit se kishte qëllim të sulmonte zyrtarë të administratës së presidentit amerikan Donald Trump.
Sipas burimeve hetimore dhe mediave ndërkombëtare, 31-vjeçari Cole Thomas Allen u ka thënë autoriteteve se donte të “qëllonte zyrtarë të qeverisë Trump”. Ai është aktualisht nën paraburgim dhe pritet të dalë para gjykatës.
Ngjarja ndodhi gjatë një eventi të madh në hotelin Holton Washington, ku ndodheshin rreth 2.500 të ftuar, përfshirë presidentin Trump dhe përfaqësues të lartë të administratës amerikane.
Sipas autoriteteve, i dyshuari ishte i armatosur me armë zjarri dhe mjete të tjera të rrezikshme. Menjëherë pas të shtënave, forcat e Shërbimit Sekret ndërhynë duke evakuuar presidentin dhe Zonjën e Parë, Melania Trump, si dhe personalitetet e pranishme.
Policia amerikane thotë se të dhënat e deritanishme tregojnë se autori ka vepruar, ndërsa hetimet po vijojnë për të sqaruar motivet dhe mënyrën e planifikimit të sulmit.
