Ndërsa kompanitë e mediave sociale premtojnë të godasin dezinformimin rus për agresionin në Ukrainë, studimet tregojnë se ato vazhdojnë të dështojnë, duke lejuar që narrativat e tilla të arrijnë miliona njerëz.
Dhe në këtë drejtim, sipas The Guardian, përcjell Telegrafi, Facebook dështoi të etiketojë 80% të artikujve në platformën e tij që promovojnë një teori konspirative të përhapur me shpejtësi se SHBA po financon përdorimin e armëve biologjike në Ukrainë, sipas një studimi të publikuar të premten nga Qendra për Kundër urrejtjes Dixhitale (CCDH).
Grupi jofitimprurës kërkimor i dezinformimit studioi një mostër postimesh nga 24 shkurti deri më 14 mars që ndante artikuj të jashtëm që përmbanin pretendime të pabaza për armët biologjike.
Ai zbuloi se Facebook në 80% të rasteve nuk arriti t’i etiketonte postimet si “kontekst i munguar”, që përmbante “informacion pjesërisht të rremë” ose “informacion të rremë”.
Teoria e bioarmëve filloi të përhapet në ditët e para të luftës kundër Ukrainës, mes llogarive më të vogla, duke bërë përfundimisht rrugën e saj drejt platformave më të mëdha.
Shtëpia e Bardhë e ka dënuar pretendimin, duke thënë se mund të jetë prodhuar nga Moska për të justifikuar një përdorim të mundshëm të armëve kimike kundër Ukrainës.
