Lewandowski e ka këtë kusht nëse transferohet te Barcelona.
E ardhmja e Robert Lewandowskit mbetet shumë e paqartë.
Sulmuesi polak përfundon kontratën me Bayern Munichun vitin tjetër, kurse tani veçse e ka një klub shumë të interesuar për të.
Ekipi spanjoll, Barcelona ka shprehur interesim për ta blerë 33-vjeçarin, të cilin e konsideron aset të vlefshëm për klubin, shkruan Gazeta Express.
Sipas SPORT, nëse realizohet transferimi i tij te Barcelona, qendërsulmuesi i Bayern Munichut do të kërkojë kontratë tre vjeçare.
Robert Lewandowski është pjesë e Bayern Munich që nga viti 2014, kur u transferua nga Borussia Dortmund.
Që atëherë, polaku është bërë njëri nga qendërsulmuesit më të mirë në botë, madje duke e fituar çmimin e futbollistit më të mirë nga FIFA për vitin 2021.
Kushti i Lewandowskit nëse transferohet te Barcelona
