GazetaMax
LAJME

Mbahet Samiti i parë kombëtar i shkollave të mesme

Shkup, 1 Tetor – Sot do të mbahet Samiti i parë kombëtar i shkollës së mesme, organizuar nga trupi përfaqësues i shkollave të mesme Organizata për dialog dhe afirmim të gjimnazistëve (ODAGj). Synimi i samitit 2022 është fjala e lirë e nxënësve të shkollave të mesme për problemet e tyre kolektive në nivel kombëtar dhe miratimi i zgjidhjeve të propozuara për ta.

“Vendimet që do të marrin gjimnazistët në këtë Samit do të jenë pjesë përbërëse e Deklaratës që do të zbatohet për të gjitha institucionet përkatëse dhe do të jetë një hap i madh përpara në përmirësimin e sistemit arsimor. Në këtë mënyrë të gjithë nxënësit në vend do të kenë mundësi të barabarta për të marrë pjesë në përmirësimin e sistemit arsimor, jo vetëm në nivel vendor, por edhe në nivel kombëtar. Kjo është një mundësi e shkëlqyer që nxënësit e shkollave të mesme të jenë politikëbërës në botën e shkollave të mesme”, thuhet në deklaratën e ODAGj.

Samiti Kombëtar i shkollave të mesme bart moton “Jini në hap me gjeneratën”. ODAGj është një organizatë e shkollave të mesme e përkushtuar ndaj misionit të saj për të krijuar një komunitet të nxënësve të përkushtuar, qytetarëve të përgjegjshëm dhe liderëve të ardhshëm. Motoja e ODAGj është “Nga nxënësit, për nxënësit“, sepse organizata shpreh punën e saj në promovimin e aftësisë kolektive të nxënësve për të inkurajuar përmirësimin e sistemit arsimor.

Related posts

Presidenti Pendarovski i pranoi letrat kredenciale të ambasadorit të sapoemëruar të Ekuadorit

e-max

Shpërndahet turma, përfundon protesta e udhëhequr nga Lista Serbe në veri

e-max

Ramush Haradinaj ia rëndit dështimet Kurtit pas një viti të qeverisjes

e-max