Subjekti politik TISZA ka prezantuar përbërjen e kabinetit të ri qeveritar, me Magyar Péter në postin e kryeministrit. Ekipi përfshin figura nga fusha të ndryshme profesionale, duke reflektuar një qasje gjithëpërfshirëse në drejtimin e vendit.
Në krye të financave do të jetë Kármán András, ndërsa diplomacinë do ta udhëheqë Dr. Orbán Anita. Sektori i arsimit dhe mirëqenies së fëmijëve i është besuar Lannert Judit, kurse shëndetësia do të drejtohet nga Dr. Hegedűs Zsolt.
Në fushën e sigurisë dhe mbrojtjes, përgjegjësinë e merr Dr. Ruszin-Szendi Romulusz, ndërsa politikat sociale do të udhëhiqen nga Dr. Kátai-Németh Vilmos.
Zhvillimi rural dhe lokal do të menaxhohet nga Dr. Lőrincz Viktória, ndërsa bujqësia dhe siguria ushqimore nga Bóna Szabolcs. Transporti dhe investimet strategjike i janë besuar Vitézy Dávid.
Portofoli ekonomik dhe energjetik do të drejtohet nga Kapitány István, ndërsa koordinimin e punës së qeverisë do ta bëjë Ruff Bálint si ministër i Zyrës së Kryeministrit. Çështjet e mjedisit do të mbulohen nga Gajdos László.
Ky kabinet synon të sjellë reforma në ekonomi, administratë dhe sektorët kyç, duke u fokusuar në zhvillim të qëndrueshëm dhe modernizim të institucioneve.
