Trajneri i Ajax shuan shpresat e Man United për Antony

Trajneri i Ajax Amsterdam, Alfred Schreuder ka dhënë disa komente lidhur me Antony.
Anësori brazilian i Ajax, Antony lidhej me një largim të mundshëm nga kampionët e Holandës, me Manchester United si skuadra më e interesuar për të.
Megjithatë, trajneri Schreuder ka bërë të ditur se skuadra kalkulon në shërbimet e Antony për sezonin tjetër, duke shuar kështu shpresat e United.
“Kemi biseduar përbrenda klubit dhe jemi pajtuar se duam ta mbajmë skuadrën aktuale së bashku. Askush nuk dëshiron ta shesë atë”, ka thënë Schreuder.
“Antony po punon mirë. Nuk duket sikur është i hutuar me ndonjë transferim”, shtoi trajneri i Ajax.
Antony ishte një nga lojtarët kyç sezonin e kaluar tek Ajax, kur skuadra drejtohej nga Erik ten Hag i cili tani është trajner i Man United.