Ter Stegen megjithatë nuk është në shitje

Marc Andre ter Stegen nuk do të largohet nga Barcelona.
Gjatë ditës së djeshme pati disa raportime se portieri gjerman, Marc Andre ter Stegen mund të largohet nga Barcelona.
Refuzimi i Frenkie de Jong për të lënë klubin nxiti disa thashetheme se largimi i Ter Stegen mund të jetë alternativa për Barcën.
Megjithatë, raportime nga Ferran Correas sot, thonë se Ter Stegen nuk është në shitje.
Klubi nuk e ka menduar asnjëherë largimin e portierit gjerman dhe ka besimin e plotë në të.
Ter Stegen ka qenë i paprekshëm në formacionin startues te Barcelona viteve të fundit dhe pritet të vazhdojë njëjtë edhe me Xavi Hernandez në krye të stolit.