Shkup, 9 shtator – Komunikacioni në rrugët shtetërore po zhvillohet pa probleme nëpër rrugë të lagështa. Intensiteti i qarkullimit në akset rrugore jashtë mjediseve urbane është mesatar. Në vendkalimin kufitar “Tabanoc” ka pritje për dalje nga shteti për rreth një orë, informojnë nga LAMM.
Në vendkalimet e tjera kufitare, nga ana e Maqedonisë së Veriut, nuk ka më ndalime për hyrje dhe dalje nga shteti.
LAMM rekomandon shpejtësi të adaptuar, respektimin e sinjaleve të përcaktuara të komunikacionit e veçanërisht drejtim të automjetit me kujdes, posaçërisht në rrugët nëpër gryka malore, ku ekziston mundësia e rrëshqitjes së dheut. Kjo vlen veçanërisht për pjesët rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
