Shkup, 22 shtator – Shoqata për ndihmë të pacientëve me leukemi mieloide kronike (LMK)- Maqedoni dhe Shoqata për ndihmë dhe mbështetje të pacientëve me sëmundje hematologjike dhe për kujdestarët e tyre (HEMA), si anëtarë të plotë të rrjetit global të organizatave të pacientëve për leukeminë kronike mieloide CML Advocates Network, edhe këtë vit shënojnë 22 shtatorin, Ditën botërore të LMK-së.
Ngjarja, siç njoftojnë nga LMK, për shënimin e Ditës botërore të LKM-së do të mbahet sot në amfiteatrin e dekanatit të Fakultetit të Mjekësisë në Shkup.
“Leukemia mieloide kronike (LKM) është një sëmundje e ngadalshme progresive e palcës së eshtrave dhe gjakut, ku një numër i madh i qelizave burimore të gjakut (blaste) shndërrohen në qeliza të bardha të gjakut të quajtura granulocite, të cilat janë jonormale, dmth leukemike. LKM-ja shfaqet në të gjitha grupmoshat, por më shpesh tek personat e moshës së mesme dhe të moshuar. Kjo sëmundje përbën rreth 15-20 për qind të të gjitha rasteve të leukemisë. Incidenca është 1-2 për 100.000 njerëz dhe prek më shumë meshkujt sesa femrat. Simptomat e leukemisë mieloide kronike shpesh janë të paqarta dhe përfshijnë: dobësim, lodhje, djersitje gjatë natës, rënie në peshë, ethe, dhimbje kockash, zmadhim i shpretkës, dhimbje ose ndjenjë ‘fryrjeje’ në stomak. Sipas të dhënave të Klinikës universitare për hematologji, në Maqedoni ka 164 pacientë me LMK të cilët tjatohen në spital”, thuhet në kumtesë.
