Shkup, 28 shtator – Në Universitetin për Turizëm dhe Menaxhment në Shkup, sot do të mbahet ngjarje në organizim të Klubit global të grave lidere G 100-Shkup, në të cilën do të marrin pjesë edhe themeluesja e Klubit, Harbin Arora me ekipin e saj të cilët qëndrojnë në vend në suaza të projektit për vizitë të grave lidere në rajon.
Klubi global G-100 përbëhet nga gratë udhëheqëse më të shquara në botë të cilat i ndajnë njohuritë dhe përvojën e tyre. Klubi global G 100 ka 100 krahë sektorial dhe përfaqësuese nga të gjitha vendet dhe zyra të saj në Bruksel, Nju-Jork, Nju-Delhi dhe Gjenevë dhe numëron rreth 1.000.000 anëtare në botë.
Strategjia e Rrjetit global G 100 lidhet me objektivat e zhvillim të qëndrueshëm të Kombeve të Bashkuara, më konkretisht barazi gjinore dhe emancipim të grave dhe vajzave. Në këtë kontekst anëtaret e rrjetit global G 100 me forca të përbashkëta punojnë në gjetjen e zgjidhjeve të zbatueshme të cilat do të mundësojnë gjithëpërfshirje të vërtetë dhe përforcim ekonomik dhe social të grave dhe vajzave përreth botës.
