Beograd, 27 tetor – Në moshën 78 vjeçare sot në Vjenë ka ndërruar jetë ekonomisti dhe politikologu i njohur Vlladimir Gligorov, djali i Kiro Gligorovit, presidentit të parë të Republikës së Maqedonisë.
Gligorov ka lindur në Beograd, ku e përfundoi shkollën fillore, të mesme, studimet universitare dhe master, ndërsa doktoroi në vitin 1977 në Universitetin “Kolumbia” në Nju-Jork.
Ka punuar në Universitetin në Beograd, në Institutin për shkenca ekonomike, ndërsa nga viti 1994 u punësua në Institutin e Vjenës për studime ekonomike ndërkombëtare, ku më së shumti është marrë me Ballkanin Perëndimor, veçanërisht me Maqedoninë e Veriut, Serbinë dhe Malin e Zi.
Në hulumtimet e tij veçanërisht është marrë me rritjen afatgjatë të vendeve në tranzicion, analizat makroekonomike dhe tregjet financiare.
Gligorov ishte bashkëpunëtor i përhershëm i “Oksford analika”, kompani ndërkombëtare konsultuese e cila siguron analiza strategjike të ngjarjeve botërore, ka shkruar për “Wall Street Journal” ndërsa ka pasur kolumna të rregullta në disa gazeta të përditshme dhe javore në Evropën Juglindore.
