Shkup, 25 nëntor – Zëvendëskryeministri i obliguar për çështje evropiane, Bojan Mariçiq, sot ka pasur takim pune me delegacionin e Odës ekonomike të Maqedonisë së Veriut, të kryesuar nga kryetari i saj Branko Azeski, në të cilin është biseduar për forcimin e bashkëpunimit në fushën e eurointegrimeve dhe pjesëmarrjen në sektorin e biznesit në procesin e negociatave.
Në takim, siç informojnë nga Oda Ekonomike, Azeski thekson se Oda ka rol kyç në procesin e negociatave me BE-në ka rol kyç, duke e pasur parasysh se transpozimi i rregullores dhe obligimet të cilat do të ndërmerren duhet t’i implementojnë vetë kompanitë.
Ai theksoi se nevojitet departizim i institucioneve, ndërsa si shembull e theksoi Entin shtetëror për statistikë, i cili, siç tha, ka rol kyç në vlerësimin e parametrave realë të shtetit.
Në të njëjtën kohë, në takim Azeski theksoi në bashkësia e biznesit pret që vendi në procesin negociues përkohësisht ta harmonizojë përshtatjen me rregulloren e BE-së dhe të mos marrë obligime që kanë implikime financiare për kompanitë, nëse kjo nuk është e nevojshme. pra nëse mund të shtyhet për një periudhë të caktuar kohore.
Sipas Odës, zëvendëskryeministri Mariçiq, i cili është edhe kryenegociator i vendit me BE-në, informoi se në dhjetor do të organizohet një dëgjim publik për kapitujt dhe grupimet ekonomike, ku analizat dhe inputi i bashkësisë së biznesit kanë rëndësi të madhe për shtetin.
Në takim u konkludua se roli i odave, veçanërisht i Odës ekonomike të Maqedonisë së Veriut, si bashkësia më me ndikim afarist, në procesin e negociatave me BE-në është me rëndësi të madhe, sepse kanë lidhje kyçe me kompanitë dhe do të sigurojë transparencë në proces.
