Shkup, 3 dhjetor – Kryeministri Dimitar Kovaçevski në konferencën e sotme për shtyp në Qeveri, duke u përqëndruar në deklaratën e ambasadores amerikane në vend, Anxhela Ageler, se edhe pse lëvizim në rrugën drejt Bashkimit Evropian, korrupsioni e frenon përparimin e Maqedonisë së Veriut, tha se absolutisht pajtohet me të.
“Dje u takova me të dhe me nënsekretarin e SHBA-së për luftë kundër terrorizmin dhe larjen e parave, ku biseduam për tema lidhur me kompetencat e MF të SHBA-së dhe posaçërisht të këtij nënsekretari. Në atë pjesë do të vijojnë aktivitete të përbashkëta”, tha Kovaçevski.
Ai, në pjesën e luftës kundër korrupsionit dhe sundimit të së drejtës, përkujtoi në kompetencat e ndara, e ajo është se Qeveria duhet në kuadër të kompetencave të veta të mundësojë funksionim të pavarur të gjyqësisë dhe Prokurorisë në shtet.
