Shkup, 14 shkurt – Në Kuvendin e Maqedonisë së Veriut dje pasdite u zhvillua debati për propozimin për rindërtimin e qeverisë së kryeministrit Dimitar Kovaçevski, i cili në fillim të fjalimit tha se vendimet për ndryshime në kabinetin qeveritar nuk janë të motivuara nga interesat e ngushta të ndonjë partie në qeveri, por a do të mbetej vendi në rrugën e progresit. Seanca për rikonstruimin e qeverisë do të vazhdojë sot në mesditë.
“Për mua, këto vendime nuk kanë dhe nuk duhet të lidhen me dëshirat, motivet dhe kërkesat e kryesisë së asnjë partie, prandaj dua të saktësoj menjëherë se sot të gjithë vendosim nëse dhe si do të qëndrojmë në rrugën e progresi ose pasi disa faktorë të brendshëm dhe “të jashtëm duan ta shtyjnë vendin në një krizë dhe destabilitet të ri”, tha Kovaçevski.
Fjalimi i Kovaçevskit hasi në kundërshtimin e madh të opozitës. Ai tha se për të politika nuk është matematikë, por parime dhe përgjegjësi.
Kryeministri akuzoi OBRM-PDUKM-në opozitare dhe “Të Majtën” se “janë pengesë në rrugën evropiane të vendit” dhe falënderoi bashkëpunimin e mëparshëm të Alternativës, e cila doli nga pushteti.
Rikonstruimi i qeverisë vjen në një kohë kur Kuvendi duhet të vendosë për ndryshimin e Kushtetutës.
