Duke shpërndarë një video të zëvendëskryeministrit, Artan Grubi, profesori universitar dhe ish deputeti, Bardhyl Dauti përmes një statusi në rrjetet sociale ka potencuar se sasia dhe cilësia shqiptare në bashkëqeverisjen e fundit të BDI-s, ka qenë pakrahasimisht më e mira e të gjithë kohërave, që nga pavarësia e shtetit e deri më sot, njofton indeks.mk
Në statusin e tij, ish deputeti Dauti ka veҫuar emrin e zëvendëskryeministrit, Artan Grubi duke thënë se pikërisht ky është arsyeja kryesore e vitalizimit të koridorit 8 dhe sistematizimit në vende pune publike të mbi 20 000 shqiptarëve të punësuar me Marëveshjen e Ohrit.
Dauti ka thënë se Grubi ka qenë fiks zëvendës kryeministër shqiptar me kompetenca ekzekutive, kështu siç e kemi dashur gjithmonë, raporton indeks.mk
Postimi i plotë:
Sasia dhe cilësia shqiptare në bashkëqeverisjen e fundit të BDI-s, ka qenë pakrahasimisht më e mira e të gjithë kohërave, që nga pavarësia e shtetit e deri më sot.
Artan Grubi, arsyeja kryesore e vitalizimit të koridorit 8 dhe sistematizimit në vende pune publike të mbi 20 000 shqiptarëve të punësuar me Marëveshjen e Ohrit.
Fiks zëvendës kryeministër shqiptar me kompetenca ekzekutive, kështu siç e kemi dashur gjithmonë. Uroj që kjo hise shqiptare ne shtetdrejtim e shtetkontroll shqiptar të RMV-së, përmes pushtetit politik cilësor të na përsëritet sërish.
