Filantropi Lazim Destani me kompaninë e tij Ecolog vazhdon traditën shumë vjeçare edhe këtë vit, duke ndarë kupona me vlerë për qindra familje në nevojë.
Ky donacion nga familja Destani dhe kompania Ecolog jepet për disa dekada, ku ndihmohen rreth 800 familje në nevojë.
“Në këtë Muaj të Shenjtë kur solidariteti shprehet më shumë se kurrë, dua të falënderoj ekipin e kompanisë sonë Ecolog që, si tradicionalisht edhe kësaj here, organizoi shpërndarjen e mijëra kuponëve me vlerë, për qindra familje në nevojë. Le të jetë solidariteti vlerë e pandashme në emër të unitetit dhe dashurisë për njëri-tjetrin”, ka shkruar Lazim Destani në llogarinë e tij në facebook.
