Zëvendës Kryerevizori shtetëror Mr. Orhan Ademi mori pjesë në Komisionin për mundësi të barabarta të femrave dhe meshkujve në Kuvendin e Republikës së Maqedonisë së Veriut
Me ftesë të Komisionit për mundësi të barabarta të femrave dhe meshkujve në Kuvendin e Republikës së Maqedonisë së Veriut Zëvendës Kryerevizori z. Ademi mori pjesë në debatin publik kushtuar temës “Barazia gjinore e grave nga zonat rurale përmes përfshirjes së tyre në tregun e punës”.
🔎 Enti Shtetëror për Revizion në përputhje me Programin vjetor të punës për vitin 2023 ka kryer auditimin e performancës si lloj i auditimit kooperativ me temën “Barazia gjinore e grave nga zonat rurale nëpërmjet përfshirjes së tyre në tregun e punës” së bashku me KLSH-në e Republikës së Shqipërisë dhe Zyrën Kombëtare të Auditimit të Republikës së Kosovës dhe e njeta është mbështetur nga zyra e UN Woman në vendin tonë. Janë dhënë gjithsej 25 rekomandime për tejkalimin e situatave të konstatuara tek institucionet kompetente.
🗣Zëvendës Kryerevizori theksoi se vendi ynë po përballet me sfida serioze, si rënia e numrit të banorëve nëpër fshatra, shpopullimi dhe mundësitë e kufizuara për banorët e zonave rurale. Roli i grave rurale në mbijetesën e këtyre komuniteteve shpesh mbetet i padukshëm dhe i panjohur nga publiku i gjerë. Pavarësisht nga kontributi i rëndësishëm që ato japin në zhvillimin e komuniteteve rurale, gratë përballen me shumë pengesa, duke përfshirë aksesin e kufizuar në burime, tokë dhe fonde financiare. Diskriminimi në tregun e punës, paga e ulët, puna e papaguar në shtëpi dhe një rol minimal në vendimet familjare e përkeqësojnë më tej situatën e tyre.
