Të paktën 59 persona kanë humbur jetën në një zjarr në një diskotekë në Koçan, ndërsa 155 janë lënduar, njoftoi ministri i Brendshëm Pançe Toshkovski.
Zjarri u përhap në tavanin dhe çatinë e diskotekës, e cila u dogj me shpejtësi. Publiku në koncertin, i cili filloi në mesnatë, ishte kryesisht i ri. Mes të vdekurve janë tre të mitur, ndërsa 22 persona janë në gjendje kritike. Viktima më e re ishte vetëm 14 vjeç.
Në lidhje me tragjedinë deri më tani janë arrestuar disa persona.
Një prej viktimave është edhe 30-vjeçari Tose Bogdanov. Miqtë e tij thonë se të shtunën ka dalë me miqtë për të festuar lindjen e djalit. Bogdanov, i cili ishte nga Oblesheva, punonte si automekanik dhe jetonte me gruan e tij, e cila, sipas informacioneve jozyrtare, para disa ditësh kishte sjellë në jetë fëmijën e tyre.
Toshe kishte një djalë dhe doli me miqtë për të festuar lindjen e fëmijës”. “Ai donte t’i trajtonte dhe shkoi në një disko dhe tani është larguar”, tha një burim pranë familjes.
