Kandidati për Komunën e Zhelinës nga koalicioni AKI, Emir Sulejmani, ka prezantuar sot me krenari listën e plotë të kandidatëve për këshilltarë komunalë, duke theksuar se këta janë njerëzit që do të jenë zëri i qytetarëve dhe garantues të një përfaqësimi të ndershëm e të barabartë.
Në një postim publik, Sulejmani tha:
“Kjo është skuadra që do ta çojë përpara kauzën tonë për ujë, ambient jetësor, dinjitet dhe zhvillim të barabartë në çdo fshat të komunës.”
Lista përfshin emra nga të gjitha fshatrat e komunës, me një përfaqësim të balancuar gjinor dhe territorial, duke përfshirë:
Memet Neziri – Zhelinë
Zelije Bajrami Aliti – Zhelinë
Ermir Etemi – Dëbërcë
Haxhere Kamberi – Pallaticë
Qemal Sadiki – Pallaticë
Arlind Abdiu – Strimnicë
Ermal Çanga – Trebosh
Vullnet Kadria – Trebosh
Zulkade Alija – Grupçin
Hanife Mustafa – Cerovë
Zilhixhe Nuredini – Uzurmishtë
Bekim Rexhepi – Kapazhdoll
Valmir Sinani – Merovë
Selver Osmani – Llërcë
Ajsel Izairi – Strimnicë
Sulejmani u shpreh mirënjohës për mbështetjen dhe besimin e qytetarëve, duke theksuar se kjo listë përfaqëson “fitoren e banorëve të Komunës së Zhelinës” dhe se bashkë do të ndryshojnë historinë e kësaj komune.
Koalicioni Besëlidhja AKI ka hyrë në garën zgjedhore me fokus të qartë në çështjet themelore që prekin jetën e përditshme të qytetarëve, si: uji i pijshëm, mbrojtja e ambientit, zhvillimi ekonomik dhe shërbimet publike cilësore.
