Shefi i shtabit të përgjithshëm të koalicionit AKI dhe njëherit sekretar i përgjithshëm i BDI-së, Faton Ahmeti, ka prezantuar përmes një postimi në rrjetet sociale dy emrat kryesorë që do të udhëheqin garën e këtij koalicioni në Komunën e Tetovës për zgjedhjet lokale të 19 tetorit.
Në postimin e tij, Ahmeti thekson se:
“Garës në Tetovë, nga Besëlidhja AKI, do t’i prijnë dy personalitete të spikatura: Bajram Rexhepi dhe Asaf Abdurahmani.”
Sipas Ahmetit:
✅ Bajram Rexhepi, kandidat për Kryetar të Komunës së Tetovës, është menaxher dhe inxhinier i shkëlqyer, i njohur për përvojën e pasur dhe vizionin e tij zhvillimor për qytetin.
✅ Asaf Abdurahmani, bartës i listës për Këshillin Komunal, vjen me profilin e një mjeku të respektuar, të njohur për profesionalizëm, humanizëm dhe përkushtim në shërbim të qytetarëve.
Ahmeti shton se të dy këta kandidatë përfaqësojnë punën, besimin dhe një perspektivë të re për të ardhmen e Tetovës.
“Së bashku, ata përfaqësojnë punën, besimin dhe perspektivën e re për Tetovën,” shkruan ai, duke mbyllur mesazhin me moton:
“Bashkë për Tetovën!”
Ky prezantim zyrtar vjen në prag të fazës intensive të fushatës, ndërsa koalicioni AKI synon të forcojë pozicionin e tij në një garë ku pritet konkurrencë e ashpër mes subjekteve politike.
