Talenti, përkushtimi dhe pasioni i artistëve tanë është shpërblyer me tri çmime të rëndësishme në edicionin e sivjetshëm të Festivalit “Fol Fest”, të mbajtur në qytetin e Shtimes.
Ansambli “Deçani” u shpall fitues i vendit të parë, duke lënë pas dhjetëra grupe të tjera të shquara nga mbarë vendi, në një garë të fuqishme dhe me nivel të lartë artistik.
🎤 Mustafë Ramaj u vlerësua si këngëtari më i mirë, ndërsa
🎶 Fatjeta Tahiraj mori çmimin për këngëtaren më të mirë në interpretimin e këngëve të bjeshkës, duke dëshmuar mjeshtëri të rrallë në interpretim dhe ruajtjen e trashëgimisë kulturore shqiptare.
Këto suksese janë dëshmi e gjallë e vitalitetit kulturor të komunës së Deçanit, si dhe e përkushtimit të pandalshëm të të rinjve tanë në ruajtjen dhe promovimin e vlerave tona tradicionale.
Bashkim Ramosaj, ish-kryetar i komunës së Deçanit dhe mbështetës i vazhdueshëm i kulturës vendore, u shpreh:
“Krenar për artistët tanë të Ansamblit ‘Deçani’. Ky është një sukses që tejkalon çmimet – është dëshmi e shpirtit artistik dhe krenarisë sonë kulturore. Deçani vazhdon të shkëlqejë në kulturë dhe art!”
👏 Urime të përzemërta për të gjithë pjesëmarrësit dhe organizatorët!
#Deçani #AnsambliDeçani #FolFest2025 #Kulturë #Art #Sukses #TrashëgimiKulturore #BashkimRamosaj
