Kandidati për kryetar të Komunës së Deçanit nga radhët e AAK-së, Bashkim Ramosaj, vazhdon të marrë përkrahje të jashtëzakonshme nga qytetarët në çdo cep të komunës. Gjatë një tubimi të mbajtur mbrëmë në fshatin Ratishë, banorët i dëshmuan përkushtimin dhe besimin e palëkundur ndaj kandidaturës së tij dhe vizionit të tij për Deçanin.
Ramosaj falënderoi me mirënjohje qytetarët për mbështetjen dhe energjinë pozitive që po reflektojnë në çdo takim.
“Faleminderit Ratishë! Ju jam mirënjohës për mbështetjen e jashtëzakonshme që po na jepni gjithandej në Deçan. Këtë mbështetje e dëshmuan sonte edhe banorët e fshatit Ratishë, të cilët i falënderoj nga zemra! Do të jemi bashkë gjithmonë!”, – u shpreh Ramosaj.
Nën moton #FLASIMmePUNË, Bashkim Ramosaj po zhvillon një fushatë të qartë, të drejtpërdrejtë dhe të përqendruar në rezultate konkrete për qytetarët. Lista e tij për Kuvendin Komunal mban numrin AAK174 ✅, ndërsa mesazhi i tij është i qartë: besim, punë dhe zhvillim për Deçanin.
