Kryetari i Komunës së Deçanit, z. Bashkim Ramosaj, ka shprehur ngushëllimet e tij të thella me rastin e ndarjes nga jeta të të ndjerit Adem Haxhosaj, një qytetar i respektuar dhe kontribuues i çmuar në komunitet.
Përmes një mesazhi publik, kryetari Ramosaj ka theksuar se kjo humbje është e rëndë jo vetëm për familjen, por edhe për të gjithë ata që e njohën dhe e vlerësuan për virtytet, angazhimin dhe vlerat njerëzore që e karakterizonin.
“Me dhimbje të madhe mora lajmin për ndarjen nga jeta të të dashurit tuaj, Adem Haxhosaj. Kjo humbje është e rëndë jo vetëm për familjen, por edhe për të gjithë ata që e njohën dhe e vlerësuan për vlerat dhe kontributin e tij.
Në emër të Komunës së Deçanit dhe në emrin tim personal, ju shpreh ngushëllimet më të sinqerta familjes Haxhosaj, miqve dhe gjithë të afërmve. Kujtimi për jetën dhe veprën e tij do të mbetet përherë i gjallë ndër ne.
I qoftë i lehtë dheu i Kosovës,” – thuhet në mesazhin e kryetarit Ramosaj.
Komuna e Deçanit shpreh mirënjohje për figurat që kanë lënë gjurmë në shoqëri dhe ndan dhimbjen me familjet në këto momente të vështira.
https://www.facebook.com/photo?fbid=1840895649857052&set=a.986962175250408
