Takim i drejtorëve Bexheti – Sela, formohet grup i punës për implementimin e Ligjit të gjuhëve

Sot, më 06 prill të vitit 2022, në Fondin e SPIMV-së u mbajt takim pune me përfaqësues të Fondit dhe Agjencisë për zbatimin e gjuhës të RMV-së.

Në takim mori pjesë u.d drejtori i Fondit, Dritan Bexheti dhe drejtori i Agjencisë për Zbatimin e Gjuhës të RMV-së, Ylber Sela.

Gjatë takimit u bisedua rreth bashkëpunimit të deritanishëm ndërmjet dy institucioneve si dhe për arritjet lidhur me zbatimin e Ligjit për përdorimin e gjuhëve.

Gjithashtu u.d drejtori i Fondit të SPIMV-së, Dritan Bexheti njoftoi drejtorin Ylber Sela se është formuar Grup punues në Fond i cili do të punojë në zbatimin dhe implementimin e vazhdueshëm të Ligjit.