Real Madridi bën tjetër hap të madh drejt titullit, fiton ndaj Osasunas.
Real Madridi e ka shënuar fitoren e radhës në La Liga duke bërë një tjetër hap të madh drejt titullit.
“Los Blancos” triumfuan 1:3 në udhëtim ndaj Osasunas, në kuadër të javës së 33-të në La Liga.
David Alaba kaloi mysafirët në epërsi në minutën e 12-të të ndeshjes, shkruan Gazeta Express.
Kundërpërgjigja e vendasve ishte e menjëhershme, kur Budimir shënoi një minutë më pas.
Asensio realizoi për 1:2 në sekondat e fundit të pjesës së parë.
Në pjesën e dytë, Benzema pati dy mundësi për shënim, por nuk arriti të realizonte dy herë nga penalltia.
Fillimisht, dështoi në minutën e 52-të, pastaj edhe shtatë minuta më vonë.
Krejt në fund të ndeshjes, Real Madridi e shënoi edhe golin e tretë.
Me këtë fitore, Real Madridi shkon në kuotën e 78 pikëve në vendin e parë, kurse Osasuna mbetet e nënta me 44 pikë.
Real Madridi fiton ndaj Osasunas, bën tjetër hap të madh drejt titullit
