Google, Facebook dhe Amazon duhet të kontrollojnë përmbatjen dhe reklamat e paligjshme
Vendet e Bashkimit Evropian dhe ligjvënësit e BE-së arritën një marrëveshje mbi rregullat e reja që u kërkojnë gjigantëve të teknologjisë të bëjnë më shumë për të kontrolluar përmbajtjen e paligjshme në platformat e tyre dhe të paguajnë një tarifë për rregullatorët që monitorojnë pajtueshmërinë e tyre.
Marrëveshja erdhi pas më shumë se 16 orësh negociatash. Akti i Shërbimeve Dixhitale do të sigurojë që ajo që është e paligjshme jashtë linje të shihet dhe trajtohet gjithashtu si e paligjshme në internet.
Sipas DSA, kompanitë përballen me gjoba për shkeljen e rregullave, ndërsa shkeljet e përsëritura mund t’i ndalojnë të bëjnë biznes në BE, është shprehur Margrethe Vestager komisionere për platformat digjitale.
Rregullat e reja ndalojnë reklamat që synojnë fëmijët ose të dhëna të ndjeshme si feja, gjinia, raca dhe opinionet politike. Po ashtu edhe ato që mashtrojnë njerëzit në dhënien e të dhënave personale gjithashtu do të ndalohen.
Kompanitë gjithashtu përballen me një tarifë vjetore deri në 0.05% të të ardhurave vjetore në mbarë botën për të mbuluar kostot e monitorimit të pajtueshmërisë së tyre. Blloku 27-vendesh dhe ligjvënësit mbështetën muajin e kaluar rregullat të quajtur Akti i Tregjeve Dixhitale që mund të detyrojnë Google, Amazon, Apple, Meta dhe Microsoft të ndryshojnë praktikat e tyre kryesore të biznesit në Evropë.
Klan News
