Kryetari i Bashkimit Demokratik për Integrim z. Ali Ahmeti në një prononcim para gazetarëve në Gostivar ku po zhvillohej një takim me forumin e gruas theksoi edhe një herë nevojën për zgjedhje të parakohshme parlamentare bashkë me ato lokale.
“Për Bashkimin Demokratik për Integrim është më se e kapshme që në tetor të ketë edhe zgjedhje lokale edhe parlamentare. Mirëpo për të arritur që të realizohet kjo duhet të ketë konsensus politik, etnik sigurisht dhe pres që ditët në vijim e tërë situata të marrë epilog”, tha Ahmeti.
