GazetaMax
Lajme

Ahmeti në drekë pune me Ramën: Ajo që u nënshkrua determinon të ardhmen e përparuar të vendeve tona

Shkup, 14 Nëntor – Kryetari i BDI-së Ali Ahmeti sot në fund të mbledhjes së përbashkët të dy qeverive në Shkup, ka takuar kryeministrin shqiptar Edi Rama në një drekë pune.

Ajo që sot u nënshkrua në letër determinon të ardhmen e përparuar të vendeve tona dhe për realizimin e këtyre projekteve vendosim në dispozicion të gjithë potencialin intelektual dhe çdo mekanizëm të nevojshëm, ka shkruar mes tjerave kryetari Ahmeti.

Posti i Ahmetit:

Ritakim vëllazëror me Edin, kësaj rradhe pas mbledhjes historike të Qeverive të vendeve tona që vendosi në zbatim vizionin progresiv të përparimit kombëtar, mbi të cilin kemi diskutuar në çdo takim tonin.

Vendkalimet e përbashkëta kufitare, ndërtimi i Korridorit 8 rrugor dhe hekurudhor, përkujdesi i përbashkët për ruajtjen e gjuhës shqipe përmes alfabetit të unifikuar, bashkëpunimi ekonomik dhe ai energjetik, si dhe integrimi në Bashkimin Europian janë tashmë kryefjala e kauzës sonë kombëtare, ashtu siç ishin dikur misionet e lirisë dhe barazisë në të cilat bashkë ngadhënjyem.

Ajo që sot u nënshkrua në letër determinon të ardhmen e përparuar të vendeve tona dhe për realizimin e këtyre projekteve vendosim në dispozicion të gjithë potencialin intelektual dhe çdo mekanizëm të nevojshëm!

Bashkë drejt idealeve të përparimit!

https://www.facebook.com/photo/?fbid=670509544443171&set=pcb.670509687776490

Related posts

Bytyqi: Do të importohen punëtor nga jashtë, fillimisht nga Ballkani Perëndimor

Gazeta Max

Drejtori Amerikan i NDI, Robert Scot pjesë e komisionit intervistues të degës së BDI-së në Çair, për zgjedhjen e kryetarit të Forumit Rinor të BDI-së Çair!

Gazeta Max

Seanca në Apelin e GJKKO/ Gazetarja Klodiana Lala zbardh detaje: Provat e prezantuara dhe biseda mes Veliajt dhe familjarëve të regjistruara në paraburgim

Gazeta Max