Edhe aktiviteti fizik i thjeshtë mund të sjellë përfitime të mëdha për shëndetin mendor.
Lëvizje si ecja, pastrimi i shtëpisë apo ngjitja e shkallëve stimulojnë qarkullimin e gjakut dhe çlirimin e endorfinave – hormonit të mirëqenies – duke përmirësuar humorin dhe reduktuar ndjenjën e lodhjes mendore.
Një studim britanik tregon se personat që lëvizin rregullisht, edhe për periudha të shkurtra, kanë 25% më pak gjasa të zhvillojnë depresion. Përfitimi qëndron jo vetëm në aspektin fizik, por edhe në krijimin e një rutine që strukturon ditën dhe sjell ndjenjë stabiliteti e kontrolli.
Për më shumë rezultat, rekomandohet që aktiviteti fizik të bëhet në natyrë, ku përveç përfitimeve trupore, individët përjetojnë dhe efekte pozitive psikologjike nga kontakti me ambientin e gjelbër, ajrin e pastër dhe dritën natyrale.
