Shkup, 13 Dhjetor – Nënkryetari i Alternativës Hysni Ismaili dhe deputetja Safije Sadiki Shahini në Kuvendin e Maqedonisë së Veriut do të kërkojnë ndryshime në Ligjin për Shtesat për fëmijë, respektivisht shtesat për fëmijën e tretë. Me këto ndryshime do t’ju dilet në ndihmë familjeve të cilët për shkak ndryshimit dhe rritjes së rrogës minimale e kanë humbur të drejtën e shfrytëzimit të ndihmës për fëmijën e tretë.
Një nga pikat e marëveshjes në momentin kur pranuam të bëhemi pjesë e shumicës ishte se Qeveria do të zhvillojë dhe zbatojë politika për promovimin e të drejtave dhe interesave të të gjithë individëve dhe komuniteteve në vend, ndërsa në veçanti do të japë mbështetje për familjen si një nga komponentët thelbësorë të jetës shoqërore.
