Shkup, 10 maj – Më tepër se 50 milion euro qytetarët kanë harxhuar nëpër laboratoritë private që të bëjnë teste për Covid. Janë bërë rreth 1,5 milion teste për korona që nga fillimi i pandemisë e deri më sot. Këto statistika janë llogaritur duke marë parasysh çmimin mesatar të PCR testeve prej 2,800 denarëve, që është 2/3 e testimeve të përgjithshme në Maqedoni. Këtë analizë e ka realizuar portali “Pari”, transmeton Zhurnal.
Në fillim të pandemisë, PCR testet realizoheshin nga 6000 denarë, e më pas përmendeshte çmimore prej 2,500 denarëve, që më vonë, si laboratori e re, me çmime të reja promotive, erdhi Nikob Lab me nga 1000 denarë. Antigen testet e shpejta, të cilat marin pjesë me 1/3 e numrit të përgjithshëm të testeve, ishin me çmim më të ulët, rreth 1000 denarë.
Çmimet momentale të testeve për korona:
Biotek (PCR test 2000 denarë) – (Antigen test – 1000 denarë)
Nikob Lab (PCR test 1400 denarë) – (Antigen test – 1000 denarë)
Avicena (PCR test 2000 denarë) – (Antigen test – 900 denarë)
Sistina – (PCR test 1900 denarë) – (Antigen test – 900 denarë)
Zhan Mitrev (PCR test 2200 denarë – (Antigen test – 1500 denarë)
Të dhënat tregojnë se për më tepër se dy vite janë bërë 2,013,928 teste për korona. Kështu, vetëm 528,496 teste janë bërë në institucionet shtetërore, 9 rezultate janë regjistruar nga laboratori të huaja, ndërsa 1,485,423 janë bërë në laboratori private. Kështu, konvertuar në përqindje, në shëndetësinë shtetërore janë bërë 26,2% e testimeve, ndërsa në ato private 73,8%, transmeton Zhurnal.
Nga 2,013,928 testime deri tani, pozitiv kanë rezultuar gjithsej 309,310 persona, respektivisht 15,3% e qytetarëve. Sa i përket strukturës së testimeve, 1,361,996 testime kanë qenë PCR ndërsa 651,932 kanë qenë rapid antigen test. Patjetër që të gjitha testet nuk janë bërë për arsye shëndetësore, sepse shumica e tyre janë bërë përshkak protokoleve për hyrje dhe dalje nga shteti.
Në Biotek janë realizuar 7,4% e testimeve ndërsa Nikob LAb edhe pse laboratori e re në këtë sferë, ka realizuar madje 7% të testimeve, kjo ndoshta përshkak çmimeve më të lira që kishte krahasuar me laboratoritë tjera. Më pas vijon Avicena me 6,9%, Sistina me 4,9% dhe Zhan Mitrev si më e shtrenjta me 4,9%./Zhurnal.mk
