Ancelotti për Courtois: Ai ka stërvitur normalisht sot, do ta ketë edhe një test nesër

Carlo Ancelotti, në një prononcim para ndeshjes me Barcelonën, ka folur edhe për portierin Thibaut Courtois.
Trajneri italian bëri të ditur se belgu sot ka stërvitur normalisht me skuadrën, por do ta ketë edhe një test nesër, përpara se të vendoset nëse do të luajë ndaj katalunasve ose jo.
“Ai ka stërvitur normalisht sot. Gjithsesi, do ta ketë edhe një test nesër”, theksoi Ancelotti.
Mbetet të shihet nëse portieri do të jetë i gatshëm për këtë sfidë, e cila, si rrallëherë, i gjen të dyja skuadrat pa asnjë humbje në kampionat.