Shkup, 3 dhjetor – Në Shkup më datën 01.12.2022 në ora 20:30 minuta, nëpunës policorë të Njësitit për Tregti të Palejuar pranë SPB Shkup e kanë privuar nga liria B.R. (18) nga Shkupi.
Siç kumtoi MPB, gjatë bastisjes së shtëpisë së tij, e kryer me urdhër gjyqësor, është gjetur dhe sekuestruar revolver “nagant” dhe gjashtë plumba për të njëjtin.
Personi është në mbajtje në stacion policor dhe pas dokumentimit të plotë të rastit kundër tij do të parashtrohet kallëzim përkatës.
