GazetaMax
Lajme

Besa Shahini shpall kandidaturën për kryetare të Prishtinës

Shahini: Prishtinës i duhet një ndryshim radikal dhe një kahje tjetër zhvillimi, unë dua të jem pjesë e këtij ndryshimi

Ish-ministrja e Arsimit në Shqipëri, Besa Shahini, ka njoftuar se do të kandidojë për kryetare të Prishtinës në zgjedhjet lokale të këtij viti.

Lajmin e ka bërë të ditur vetë Shahini përmes një shkrimi në rrjetin social ‘Facebook’.

“Para katër vjetësh jam kthyer për të jetuar në Prishtinë nga Tirana, në një qytet që e dua fort, që ka një potencial të jashtëzakonshëm, por që ka marrë një kahje të gabuar në zhvillimin e vet”.

“Është një qytet kryesisht i mbuluar me beton, pa hapësira të mjaftueshme të gjelbra. Prishtinës i duhet një ndryshim radikal dhe një kahje tjetër zhvillimi. Unë dua të jem pjesë e këtij ndryshimi, andaj në vjeshtë do të garoj për kryetare të komunës në zgjedhjet lokale 2025”, ka deklaruar Shahini, në videon e shpërndarë.

Shahini ishte zgjedhur ministre e Arsimit në Shqipëri për një vit, gjatë qeverisjes së kryeministrit Edi Rama.

Në Kosovë, ajo është angazhuar në aktivitete të shoqërisë civile.

Related posts

Zendeli: Morëm ftesë nga Rama por nuk do të shkojmë në takimin në Tiranë

Gazeta Max

Shpëtohen dy turiste polake pranë Treskavecit

Gazeta Max

Plagosje, dhunë në familje dhe vjedhje, policia arreston 7 persona dhe shpall në kërkim një tjetër

Gazeta Max