Shkup, 15 nëntor – Ministria e Punëve të Brendshme dhe Programi i Kombeve të Bashkuara për zhvillim (UNDP), në bashkëpunim me Komunën e Tearcës, sot organizojnë ngjarjen “Çdo plumb ka një objektiv” në kuadër të fushatës për ndërgjegjësimin e opinionit për rreziqet që vijnë nga mbajtja dhe keqpërdorimi i armëve të vogla dhe të lehta (AVL).
Ngjarja do të mbahet në sallën e sportit të SHF “Kiril Pejçinoviq” në fshatin Tearcë.
Siç paralajmërojnë nga UNDP-ja, fjalim do të kenë kryetari i Komunës së Tearcës, Nuhi Neziri, kreu i SPB-së Tetovë Amir Dalipi dhe zëvendësja e përfaqësueses së përhershme të UNDP-së, Sanja Bojaniq.
