GazetaMax
Lajme

De Santis kryeson në anketat përpara Trampit si kandidat i mundshëm presidencial i republikanëve

Guvernatori i Floridës, Ron De Santis, ka një epërsi prej 23 pikësh ndaj ish-presidentit Donald Tramp në anketën e kandidatëve të mundshëm republikanë për zgjedhjet e ardhshme presidenciale në SHBA në vitin 2024.

Sot, rezultatet e publikuara të një ankete të përbashkët të Universitetit Safolk dhe Ju-Es-Ej Tudej treguan se De Santis mori shumë më shumë mbështetje nga votuesit, megjithatë, në një tjetër anketë të kryer nga agjencia “Morning Konsultant” (Morning Counsel) Tramp ka një avantazh prej 18 pikësh ndaj De Santis, transmeton Gardian i Londrës.

Dejvid Paleologos, drejtor i Qendrës për kërkime politike i Universitet Safolk, në një intervistë për “Ju-es-ej Tudej” thotë se republikanët dhe konservatorët e pavarur “gjithnjë e më shumë e duan Trampizmin, por pa Trampin”.

Anketa tregoi gjithashtu se në një revansh imagjinar me Trampin, presidenti aktual amerikan, Xho Bajden, do të fitojë në zgjedhjet me një diferencë prej shtatë për qind, 47 me 40 për qind, ndërsa De Santis do të mundte Bajden me një diferencë prej katër për qind, 47 kundrejt 43 për qind.

Bajden (80) deklaroi se gjatë festave të Krishtlindjeve do të vendos nëse do të kandidojë në zgjedhjet e ardhshme.

Related posts

TV 24 në Maqedoninë e Veriut i referohet Kosovës si “Kosovo Metohija”, a duhet të reagojë Këshilli për etikë në media?

Gazeta Max

Njëqind intervenime të Ndihmës së Shpejtë gjatë 24 orëshit në Shkup

Gazeta Max

Mucunski: Dëshirojmë zgjidhje racionale për zhbllokim të procesit inkaudrues që do të na mundësojë përparim në bazë të meritave

Gazeta Max