Një risi do të ketë në stafin teknik të Stefano Piolit, i cili nga e hëna do të nisë stërvitjen verore dhe fazen pergatitore. Kjo risi ka të bëjë me ndarjen e trajnerëve të portierëve. Nelson Dida nuk do të vazhdojë punën e tij me Gigi Ragno dhe Emiliano Betti.
Nga sa buron ne lajme, vendimi i ish-portierit të Milanit lidhet me arsye personale që duhet ta shtyjnë atë të kthehet në Brazil per nje kohe te pacaktuar. Në vend të tij, brenda një skuadre që ka mundur të punojë shumë mirë me të gjithë portieret që janë vënë nën vëmendjen e tyre, një tjetër ish-lojtar i Milanit.
Behet fjale per Flavio Roma, i cili do të kthehet në Milano si trajner dhe që është gati të integrohet me shokët e tij të rinj të punës. Sigurisht që përvoja dhe aftësitë e Gigi Ragno dhe Emiliano Betti do ta ndihmojnë atë të përshtatet më së miri në një mjedis të ngarkuar dhe të motivuar.
