GazetaMax
Lajme

Dorëzohen 17.650 dokumente udhëtimi për qytetarët jashtë Maqedonisë, vetëm në Bern 2.445

Shkup, 7 nëntor – Gjatë vizitës në Zvicër, Ministri i Brendshëm Oliver Spasovski, ka vizituar Ambasadën e RMV-së në Bern, ku është takuar me Ambasadorin Kenan Ramadani dhe Këshilltaren e ambasadës, Melehat Muftarovska.

Siç njoftohet, gjatë periudhës së kaluar vetëm në Bern janë dhënë 2.445 dokumente të udhëtimit përmes projektit të përbashkët të MPB-së dhe MPJ-së që ka nisur më 01.10.2021, lidhur me dorëzimin e kërkesave për dhënien e dokumenteve të udhëtimit përmes stacioneve bazë në përfaqësitë diplomatiko-konsulore.

Që nga fillimi i projektit, përmes përfaqësive diplomatiko-konsulore janë dhënë 17.650 dokumente të udhëtimit për shtetas të RMV-së në vende të huaja, që siç u tha, paraqet një shkurtim serioz të kohëzgjatjes së procedurave, shmangies së rrëmujave, por edhe harxhimeve të qytetarëve.

Aktualisht procedura zgjat 15 deri 30 ditë, krahasuar me pritjet disamujore që ishte një praktikë në të kaluarën, para fillimit të projektit.

Related posts

“Çamëria është një dramë që akoma nuk ka marrë zgjidhje”! Intervistë me studiuesin e çështjes çame, Hajredin Isufi

Gazeta Max

Kovaçevski uron besimtarët myslimanë (Video)

Gazeta Max

Trajanov kërkon që të formohet agjencioni për luftë të krimit dhe korrupsionit si FBI

Gazeta Max