Dyzet e një propozim projekte përmban lista e parë përfundimtare prioritare e propozim projekteve për investime publike, e cila u miratua nga Qeveria me propozim të Ministrisë së Financave dhe Komitetit të Investimeve Publike.
Lista përmban idetë e propozim projekteve të përgatitura dhe të kontrolluara nga iniciatori, përkatësisht institucioni që ka parashtruar, kurse më pas janë vlerësuar nga Ministria e Financave dhe janë miratuar nga Komiteti i Investimeve Publike.
Ministria e Financave pas miratimit të Rregullores për menaxhimin e investimeve publike, filloi me mbledhjen e ideve për propozim projekte me vlerë të mesme dhe të madhe, përkatësisht mbi 5 milionë euro, për të cilat Ministria e Financave realizoi kontroll të detajuar në lidhje me kompletimin e dokumentacionit, cilësinë e të dhënave të parashtruara, rëndësinë strategjike dhe gatishmërinë themelore të idesë së projektit për zhvillim të mëtejshëm dhe bazuar në atë analizë, përgatiti listë të ideve për propozim projekte për investime publike dhe mendim mbi aspektet financiare, qëndrueshmërinë dhe fizibilitetin e idesë së propozim projektit, që u parashtrua te Komiteti i Investimeve Publike për miratim dhe parashtrim në Qeveri për miratim.
Në listë përfshihen projekte në fushën e infrastrukturës, arsimit, shëndetësisë, energjetikës, dixhitalizimit, si dhe projekte në fushën e bujqësisë dhe të menaxhimit të ujërave.
Lista e parë përfundimtare prioritare, e cila është miratuar, do të jetë bazë kruciale për përcaktimin e investimeve të reja kapitale në procesin buxhetor për vitin 2027, si dhe në programet investuese të ndërmarrjeve publike dhe shoqërive aksionare në pronësi shtetërore, që do të thotë se institucionet gjatë planifikimit të tyre të ardhshëm të investimeve, duhet të harmonizohen me këtë listë.
Përkatësisht, përfshirja e propozim projekteve në listën përfundimtare prioritare të propozim projekteve për investime publike nuk nënkupton detyrim për financimin e tyre, e as vendim përfundimtar për zbatimin e tyre.
Vendimi për financimin e propozim projektit do të miratohet në vazhdim, përmes procesit të buxhetimit kapital, në kuadër të mjeteve buxhetore në dispozicion, përkatësisht përmes planifikimit të investimeve në kuadër të mjeteve buxhetore në dispozicion të subjekteve publike që nuk janë shfrytëzues buxhetorë, në varësi të pjekurisë së projektit dhe prioriteteve të Qeverisë për vitin përkatës fiskal.
Miratimi i kësaj Rregulloreje, si dhe e kësaj liste është në përputhje me Agjendën reformuese 2024-2027 dhe në drejtim të menaxhimit të investimeve publike. Rregullorja vjen si rrjedhojë e Ligjit të Buxheteve dhe është miratuar vitin e kaluar. Komiteti i Investimeve Publike, po ashtu u formua vitin e kaluar, ndërsa mbledhja e parë u mbajt gjatë muajit prill të këtij viti, me ç’rast filloi edhe zbatimi i një qasje më sistematike në planifikimin dhe menaxhimin e investimeve publike në vend. Bëhet fjalë për një lloj mënyre të re të organizimit dhe vendimmarrjes së vendimeve për projekte kapitale në vlerë prej më shumë se 5 milionë euro, ndërsa qëllim është që vendimet për realizmin e projekteve të sillen në mënyrë transparente dhe buxhetet për vitet e ardhshme të planifikohen në mënyrë më të thjeshtësuar.
Lista e parë përfundimtare prioritare e propozim projekteve për investime publike është publikuar në faqen e internetit të Ministrisë së Financave në linkun e mëposhtëm: https://portal.mdt.gov.mk/
