Strugë, 23 prill – Ende është aktiv zjarri i cili shpërtheu dje në pyllin mbi lagjen Elen Kamen të Strugës. Ekipi i Njësisë territoriale të zjarrfikësve – Strugë është në terren, por vendi ishte i paqasshëm për automjetin.
“Tani për tani nuk ka rrezik për vilat dhe shtëpinë në lagjen Elen Kamen”, informojnë nga NJTKZ-Strugë.
Edhe pse kanë kërkuar ndihmë nga institucionet kompetente, zjarrfikësit thonë se janë vetë në terren.
Zjarri i cili dje pasdite shpërtheu në pyllin në rrugën drejt fshatit Ragozhdë, në afërsi të lagjes me vila Elen Kamen, shaktoi frikë tek banorët, për shkak të përhapjes drejt shtëpive.
Era e fuqishme edhe më tepër e ka vështirësuar punën e zjarrfikësve dhe i ka përhapur flakët.
