Përderisa “NB-Company” e Tetovës realizoi kontratën për pajisjen e qendrës së re kulturore në Tetovë në vlerë prej 23 milionë eurosh, të lidhur në një procedurë tenderimi me konkurs të eliminuar dhe me ankand simbolik, kompania e saj simotra “Gan-Logistic” bleu 2 pompa benzini për 7,5 milionë euro nga “Pucko Petrol” e familjes së afërt të Asmir Jahoskit.
Kompania e naftës “Pucko Petrol” është shpesh në qendër të vëmendjes së publikut për shkak të bashkëpunimit të frytshëm me institucionet shtetërore dhe organet publike, në bazë të të cilave është në grupin e top-10 tenderuesve.
Por kjo kompani tërhoqi edhe më shumë vëmendjen pasi pronari aktual Asmir Jahoski, djali i deputetit të BDI-së, Ismail Jahoski, u bë i dyshuar në hetimin për blerjen e naftës për nevojat e TEC-it të Negotinës, me dyshimin për keqpërdorim të 167 milionë eurove.
“Fokus” në disa raste ka shkruar për tema të ndryshme që kanë të bëjnë me “Pucko Petrol” dhe familjen Jahoski, ndërsa para 2 vitesh i kemi përmendur edhe në storjen që ka trajtuar sagën e kahershme rreth ndërtimit të qendrës së re kulturore në Tetovë (bibliotekë dhe teatër).
Gjegjësisht, kemi bërë të ditur se kompania ndërtimore tetovare “NB-Company” ka lidhur kontratë në vitin 2021 për dekorimin e brendshëm të qendrës së re kulturore në Tetovë, në vlerë prej 23 milionë euro, në një procedurë tenderimi me eliminimin e konkurrencës nga jashtë dhe një ankand pothuajse simbolik.
Meqë ra fjala, nga dokumentacioni që siguruam zbuloi se derisa kjo kompani ishte duke zbatuar kontratën me vlerë, kompania e saj simotra “Gan-Logistic” ka blerë 2 pika karburanti në hyrje të Shkupit për 7.5 milionë euro. Madje, nga të dhënat që disponojmë rezulton se prona është blerë nga “Pucko Petrol” dhe një tjetër kompani familjare – “Bee Holding”.
Gjithë tekstin në gjuhën maqedone e lexoni këtu.
