Fëmijët e Ansamblit dhe Valleve “Ibe Palikuqi” ishin sot në qendër të vëmendjes në qytetin e Shkupit, ku grupi i dytë dhe i tretë i ansamblit mahnitën publikun vendas dhe turistët me paraqitjen e tyre artistike.
Të ftuar nga Shoqata “Ese” Shkup, të dy grupet performuan në një aktivitet kulturor të hapur, duke sjellë para publikut dy valle tradicionale shqiptare. Grupi i dytë shkëlqeu me vallen karakteristike të Dibrës, ndërsa grupi i tretë ndezi atmosferën me vallen Kosovare.
Performanca u prit me duartrokitje të shumta dhe emocionoi të pranishmit, duke treguar edhe një herë pasurinë dhe bukurinë e trashëgimisë kulturore shqiptare.
AKV “Ibe Palikuqi” mbetet pranë komunitetit, duke promovuar me pasion kulturën shqiptare ndër brezat e rinj.
