Shkup, 12 tetor – Në organizim të Fakultetit të Shkencave Bujqësore dhe Ushqimit-Shkup, nga sot deri të premten në Ohër do të mbahet Simpoziumi i 4-të Ndërkombëtar për Bujqësi dhe Ushqim-ISAF 2022.
Siç informojnë nga Fakulteti, simpoziumi është vazhdimësi e traditës së takimit fakultet-ekonomi, i cili këtë vit do të mbahet për herë të katërmbëdhjetë.
Në kuadër të manifestimit do të mbahet edhe takimi i dekanëve të fakulteteve në fushën e bujqësisë dhe ushqimit nga Evropa Juglindore, të cilët janë edhe bashkëorganizatorë të këtij simpoziumi ndërkombëtar.
