Zyrtarë të lartë partiak dhe qeveritarë nga radhët e Bashkimit Demokratik për Integrim mbrëmjen e së dielës kanë takuar banorët e Këshillit Vendor “Teli” në Çair të Shkupit.
Zëvendëskryeministri i parë i Qeverisë – Artan Grubi i shoqëruar nga shefi i diplomacisë Bujar Osmani dhe funksionarë tjerë partiak kanë prezantuar të arritura e deritanishme të partisë në ekzekutiv si dhe projektet që janë në vijim e sipër.
Me këtë rast zëvendëskryeministri i parë Grubi tha se rruga e drejtë dhe e vetme që sjell të ardhmen për qytetarët e këtij vendi është rruga e Ali Ahmetit, rruga për jetë më cilësore për të gjithë ne.
“Kënaqësi të bashkëbisedojmë sot me aktivistët e këshillit vendor Teli dhe banorët e lagjes Gazi Babë në Çair. Rruga e drejtë është me Ali Ahmetin, si anëtar të NATO-s, drejt Europës dhe jetës më cilësore. Faleminderit që i qëndroni besnik kësaj rruge të drejtë”, ka shkruar në rrjetët sociale Grubi pas takimit.
https://www.facebook.com/ArtanGrubi/posts/pfbid028RVifEvk4U2p4ePXRathbKigJujYCL2eoj8mUdbtPN6T6xWeB5EHJpYWYc8j2W58l
